李彩華香港文匯報訊（記者 梁靜儀）李彩華（Rain）昨日到新城電台接受葉文輝（啤梨）訪問，二人大談當年曾在同間唱片公司及合唱過《I Believe》的點滴。
Rain表示當年大家只有入錄音室時合唱過，但就沒機會在台上合唱演出。啤梨笑言當時還以為有機會跟Rain登台，買了很多內增高鞋墊，可惜最終沒有機會用。他又笑謂希望再播首歌，可以帶挈他登台機會。
今年初與內地富商Eric結婚的Rain ，被問到計劃何時生B？她笑說：「一向都係計劃出年生，我想去滑雪，玩埋先至生。（想生仔定女？）我想生女，但呢啲多數事與願違，想生女就生咗個仔，好多朋友都係咁，所以我要不停講我要生仔，之後就會生女。」
今個月十一日是Rain的三十六歲生日，問到如何慶祝？她笑說：「唔會有乜特別嘢搞，都係『年輕』一歲啫，應會留港跟朋友及家人食飯慶祝。 ( 婚後首個生日，老公有冇特別表示？）暫時未知。」