■江欣燕要學習一些的士行內術語，對她來說非常難。香港文匯報訊（記者 梁靜儀）江欣燕（欣欣）昨日返將軍澳電視城為無綫新劇《失憶24小時》開工，她表示劇中飾演一位女的士司機，角色可以任由她自由發揮，從未演過一個如此好玩的角色，她笑說：「今次係一套現實喜劇，監製話想喺呢個時勢拍一套有劇情、大家又睇得開心嘅劇。」
首次演女的士司機，欣欣稱拍攝時都要學習一些的士行內術語，對她來說非常難：「例如『氹咗轉入環保大道，做完泥鴨仲要裸跑』，我完全唔明係乜意思，原來意思係話部車污糟晒，仲冇客空車出返去。」
另外，欣欣又透露日前與飾演其前夫的張達倫拍了一場親熱戲：「嗰場戲講達倫欺騙我感情，佢要將隻手搭喺我大腿，但我要讚佢，女演員通常拍呢類戲，就知道對手德行好唔好，佢搭得好輕力，我就想畀膽量佢，叫佢之後錫我嗰時隻手要順勢掃上嚟，咁樣至夠真實，不過最後係冇『打茄輪』，只係錫臉，拍咗幾take就完成，我未試過畀有鬍鬚嘅男人錫，錫完塊面紅晒好痛呀。」她又笑言曾主動向監製提議拍攝親熱鏡頭時，自行配一些親熱時會發出的聲音，增加喜劇感。
欣欣表示今次並非她熒幕初吻，她的熒幕初吻是獻給了劉德華（華仔）：「當時我拍第一套電影《專釣大鱷》，喺最後一幕講華仔喺車內偷啜咗我一吓，當時我得21、22歲，有啲怕醜，但華仔好好。」