■苑瓊丹爆藝人飲食習慣。香港文匯報訊（記者 李慶全）苑瓊丹為香港開電視拍攝的節目《開工大吉77》將於今日首播，第一集苑仔已為節目扮鬼扮馬，化身黑超特工大爆片場藝人飲食習慣，她笑說：「其實我也是聽片場手足話畀我知，他們都讚古天樂是好演員，因為不想劇務手足四處為他『搵嘢食』，便每次都叫星洲炒米，貪度度都有得買夠方便！而秋官好多時都會叫腸粉食，夠飽肚之餘又無汁，不會弄髒件戲服，所以好多劇務手足最鍾意跟他倆開工。」
苑仔坦言自己跟製作團隊一樣寓工作於娛樂，開幾日工便跟大家打成一片：「他們經常挑戰我，食Lunch無啦啦和我鬥快食，我們亦會將這些笑料拍成片尾花絮，隊Crew更癲到陪我拍直播片唱歌伴舞，所以每次開工都玩到癲，用盡體力之後，收工返屋企要大覺瞓！」