第五場「發財先生」上場泥地千二米爆冷得手，末段一程越衝越勁，今次抖夠原班再戰勝途，有晒本錢連捷而回。「越感」本身擅長跑谷草千二米，料泥地一樣合發揮，馬房悉心保養下，戰鬥力未有減退，今次轉場換來好分頭，相信在快步速形勢下，有權在此後上一網打盡。
第六場「十分酷」上季初田草千四米以頸位不敵「悅裕」而壓住「蟲草之星」，前兩駒目前已在高班，可見賽事水準不弱，今次抖夠養精蓄銳而來，實屬出頭黃金機會。「得益良多」之前兩場跑獲亞軍水準不弱，今次只要早段留守好位再於直路伺機而動，隨時可在此推翻大局。
第七場「安騏」上場千四米在見習生陳嘉熙胯下以破紀錄時間掄元，今次加程一哩再次面對一批蹄下敗將，力足再捷。「信心保證」上場副車身分不敵廄侶「安騏」得第二名，今次加程二百米有利發揮，補中機會相當樂觀。
第八場「寶山鷹」上場首次向泥地千二米問津即獲亞軍非戰之罪，質新馬汲取一次實戰經驗再來，當然不會錯過出頭黃金機會，可以秤先。「夢幻人生」季內三戰泥地千二全部跑入第二名，距離贏馬只一步之遙，今次再揀泥地短途列陣，值得投以信心一票，穩位望贏做得到。
第九場「友誼至好」上場竟然可飛躍進步由蟲變龍，由包尾變成第一，自購馬如今搵對操練竅門可梅開二度。「健快聯盟」上次越級二班都所負不遠亦可見到幕後自視之高，今次重返三班分區上陣反客為主，料有力介入戰團。
第十場「美麗滿紛」來港前於澳洲直落贏三場兼揚威三級賽，相信若非已閹兼出價太吸引，上手馬主高多芬亦未必會出售，此駒於蔡約翰訓練下進度理想，來港兩戰不放而留，敗績可以不理，試準今次負輕磅再跑有權一網打盡。「金鎗六十」出道六戰五勝，今季喜見馬匹於陣上懂得留力，上仗贏馬姿態委實輕鬆，料交出水準可再建一功。