■李彩華性感現身。香港文匯報訊（記者 梁靜儀）李彩華（Rain）昨日到九展為ViuTV音樂節目《Chill Club》擔任嘉賓，在吊帶工人褲內襯上低胸露腰衫的她十分性感，她表示會在節目中唱兩首經典歌，包括《愛一個人原來不易》及《你唔愛我啦》，她笑說：「一生人有一首代表作已好開心。（再出唱碟？）都想。（自資？）搵人出碟型啲，搵好歌好難，想投放多啲資源去搵歌。」她表示，今次演出像開迷你音樂會，又有Live Band，令她很想打鼓，最近都正在學打鼓。
提到她的老公黃彥書（Eric）被人在港島區多個地方貼街招，問到她是否借打鼓發洩？Rain否認道：「當然係一笑置之，好搞笑，唔會去理，唔通人哋print張紙話你殺人就係真？（老公叫黃彥書？）個名冇錯，我估計係年尾，啲公司會向借貸單位追返年頭啲數，可能就會做啲奇怪嘢反咬返你。（已經唔係第一次？）我唔肯定，已交畀律師處理。（有冇向老公了解？）唔使問，都唔係好理會。（有冇唔開心？）都唔關事，當笑話睇。」對於被指已是圈中小富婆，Rain笑說：「唔使現在先至爆啦。（大富婆？）咁又唔敢認，搵到兩餐食啫。（假如老公經濟有問題會否出手幫忙？）絕對冇難關，亦冇呢個需要。」對於有指Eric曾經結婚及育有小孩？Rain強調沒有此事：「絕對冇，笑話一則，太搞笑，唔使特別去回應。」
另外，談到她的初戀男友林峯與內地女星張馨月已入紙排期結婚，Rain聞言帶點錯愕，表示也是睇報道才知道，並大方恭喜對方。被問到覺得兩人可合襯時，她就尷尬地笑說：「當然佢揀得都係襯，外人話唔到事。」之前曾計劃年底補擺喜酒的Rain，表示因為不停有工作，現決定明年中才在香港及內地補擺喜酒。