■周柏豪指暴力並不是解決問題的方法。香港文匯報訊（記者 梁靜儀）周柏豪、黃浩然、洪永城（Tony）、陳煒、朱晨麗、王梓軒及許紹雄等，前晚出席於將軍澳電視城無綫台慶劇《多功能老婆》之「愛情序章」宣傳活動，劇中女主角楊千嬅因身在美加登台未能出席，但亦有拍片支持，監製陳寶華在台上爆料指當日有意找Tony演出時，遭高層余詠珊反對，認為她定必被Tony煩爆所以才反對，Tony即指對方只鍾情周柏豪及黃浩然，陳寶華就笑稱錫他們都是為了遮掩對Tony的疼錫，並讚他有喜劇天分。而久未接受訪問的周柏豪終開腔受訪，他指暴力並不是解決問題的方法，希望香港能盡快恢復寧靜。
洪永城早前被好友黃翠如在台慶爆料指曾看過他全相，並取笑其下體尺碼，他笑指不是真實的事無需要回應太多：「大家都係講笑，唔需要咁認真，都係娛樂大家，（翠如睇過你全相？）梗係冇睇過，除非佢偷睇！同埋電視畫面都要用好大個哈哈笑公仔先遮到！都係想在台慶日子??大家。」
對於蕭正楠爆他鍾意全裸，他說：「我係好愛我身體，係有啲自戀，以前身型好點瘦點就可以多露，而家就算再露都要搵女朋友做Gym操吓先全裸到。（有冇諗過即場露下體證明？）唔需要，無謂嚇親大家。（女友好滿意？）總之幸福美滿，大家開心囉！」問到可會爆翠如料還擊？他笑說：「自己唔小器，驚佢小器，所以唔爆佢料，要爆都係交畀阿蕭爆啦。」對於翠如的言論令廣管局接到四百多宗投訴，他謂知道大家好大反應，建議翠如下次講說話要謹慎些。
社交網貼上「止暴制亂」
柏豪早前疑因捲入政治風波，近期出席公開活動均拒絕受訪，前晚他終開腔受訪，問到可擔心網上言論會影響收視時，他表示不擔心，相信公司一定分析過，在合適時至會推出劇集。談到他早前清空社交網的圖文，直至近日貼上「止暴制亂」，對此他說：「合適時候會玩，玩社交網係好攰，都係玩，有時間就會用，冇乜特別，其實都係會正常繼續開心工作，開心生活。（以後帖文用詞會更謹慎？）一直都謹慎，但自己的價值觀未必係所有人的價值觀，我會繼續努力做好自己，最緊要自己舒服，同埋大家開心。」
對於有粉絲因他的表態而感心碎，柏豪稱沒有特別去睇到留言：「冇辦法，呢個係我立場，自己都希望香港快啲恢復本來嘅寧靜，冇人想住喺一個好有暴力的地方。（你嘅表態同內地工作有關？）暴力去到邊度都唔想有，香港人都唔喜歡暴力，自己都係好討厭暴力的人，暴力係一個情緒的抒發，並唔係一個解決的辦法，自己唔喜歡用暴力去解決問題，希望香港所有人能夠平安，回復開心情緒。」
煒哥自爆冇計劃生B
朱晨麗（朱朱）與陳煒（煒哥）齊聲表示對劇集收視有信心，二人並透露劇中會以泳裝出鏡，泳衣更由監製陳寶華親自挑選，全相都已被對方看光，朱朱笑謂自己肚臍粒都被睇對方看過，還對寶華姐笑指未見過女生用粉底遮肚臍粒。朱朱與煒哥因拍劇而已成好友，日前朱朱亦有份跟煒哥食飯慶祝四十六歲生日，朱朱笑言妒忌煒哥：「其實我有啲妒忌，好似做了電燈膽，佢同男友好閃，叫佢兩個錫錫又怕怕醜醜唔肯，但好Sweet。」說到她可以帶另一半出席閃返對方時，煒哥即爆料指已見過朱朱的緋聞男友何廣沛很多次，問到兩人可有親密舉動？煒哥笑說：「Sweet留返私底下，呢啲事心照啦。」對於獲朱朱祝福連生貴子，她笑說：「佢祝福我乜都接受，但冇計劃生。」