■王梓軒與年輕人分享自己人生路上的經歷。香港文匯報訊 王梓軒最近忙於為十周年演唱會《CROSSING 源·樂》及音樂舞台劇《利瑪竇》綵排，不過梓軒希望可以回饋社會，希望藉着自己的人生經歷，可以用生命影響生命，所以百忙中都會抽時間與年輕人分享。
早前梓軒與正向教育書院合作，他先後到不同的學校與年輕人分享自己人生路上的經歷，教同學們「同行」及「感恩」。
日前，梓軒到葵涌一中學講Talk，他問各位同學「乜嘢係贏在起跑線？」，同學們踴躍舉手話：「含住金鎖匙、富裕......」
對於同學的答案，梓軒有另一種看法，他引用出生於破碎家庭的成功人士作例子，包括狄維·莊遜（Dwayne Johnson）、蘋果創辦人之一喬布斯（Steve Jobs） 及奇洛李維斯（Keanu Reeves），之後再用自己的經歷作借鏡：「有個小朋友以前讀書，成日畀老師『的』出嚟，喺所有同學面前鬧，或者反轉張櫈（罰）坐幾粒鐘，最後佢要轉校，雖然成績OK，但最致命係校長喺成績表寫住『不懂愛護小朋友』，佢都唔知點解......轉咗校，佢好努力，不過細個時語言能力唔係特別強，中文水平好低，學校分六級，呢個男仔一年內，由最低的第六級升到第一級。其實我想話畀大家聽，三十幾年嘅人生，我發現一樣嘢，點解人冇贏在起跑線？因為我哋嘅意志、努力，遠遠勝過外在條件，嗰啲嘢畀咗你冇用，如果你自己唔努力，係冇贏在起跑線，因為人生本來就係一場馬拉松，就算你生出嚟係一隻龜，但唔休止去努力，我覺得最後勝利都好有可能係你！」
梓軒與同學們交流了一小時多，有位同學上台跟他傾偈時，透露了是他的小影迷，更希望可以像他當歌手及演員，梓軒話：「我好開心做到自己鍾意嘅工作，但係呢行都好辛苦，我拍《是咁的，法官閣下》連續3星期，每日都係休息3個鐘，我屋企都冇返，都係喺街、喺車，甚至喺欄杆瞓，不過我都好感恩有呢個機會。」
最後，梓軒更與過百位學生逐一合照及簽名，深受學生們歡迎。