■咖啡店「Green Door Coffee」質疑：「點解要黃店提供優惠？」 fb截圖煽暴派瘋狂打壓不同意見者，在打砸燒部分被他們視為「藍色」的商舖的同時，聲稱要搞所謂「黃色經濟圈」。此前，有人要這些「黃色」商舖通過捐錢予他們指定的組織來「認證」，近日更有人要「黃色」商舖提供優惠，才能加入「黃色的名單」。不少網民揶揄此舉是「搲自己人着數」，有人更狠批此等手段如同勒索，「黑社會來收保護費，都抬盤桔來吖！」
揶揄此舉「搲自己人着數」
咖啡店「Green Door Coffee」在其fb專頁發帖，稱其上環舖收到「黃色經濟圈」的邀請，大致內容為參加的店舖要為客人提供優惠，而「客人揸收據去其他舖有九折」。該店質疑：「點解要黃店提供優惠？......𠵱家咁嘅時勢自當力撐同道人，原意並唔係攞黃店着數。如果有優惠先肯幫襯，咁真係要反醒（省）吓，......」
不少人轉發了該帖子。商台節目主持人健吾（葉鍵濠）就發文揶揄：「人只要得閒少少，劣根性就會出現：消費光環，（左）膠化，起大台，搞小圈子。」「熱血公民」副主席鄭錦滿亦發帖：「『懲罰』黃店變咗『真．懲罰』黃店......×！我都唔知自己噏乜，好混亂呀！」
被寸黑社會收保護費都抬盤桔
「手作達人」吳斯翹（Billie Ng）就稱：「我見有人提議，每個月捐款$1000去星火，貼張收據出門口，先算黃店認証（證）。......黑社會來收保護費，都抬盤桔來吖！」
泛暴派的「陳大文」則稱：「搞搞下（吓）所謂黃色經濟就變成『黃色霸權』：一些店舖被邀請（強迫）成為黃店，但又要呢樣果（嗰）樣優惠割價減少盈利，消費者拎住黃店收據可以在其他黃店『抓著（着）數』，之後又變『印花文化』，玩儲印花這類超無聊模式，變成盲目消費。」
不少「黃色」的同路人都睇唔過眼。「Misa Po」怒道：「痴（黐）線，要人甘（咁）樣捐款完全不是自願。」「Samuel Lam」狠批：「依（𠵱）家簡直衰過收陀地，因為陀地都係幾個人收，唔係一棚人衝入來收。」「Alex Kan」就話：「黃絲會如此說：『你唔俾（畀）優惠唔加入就唔係黃店，等裝修喇！』」
「Truman Chan」恥笑：「黃藍是政見，攞著（着）數是真理。」「Tam Wai Sum Ruth」直指：「看來所謂黃色經濟圈也只不過是以民主作為包裝的獨裁勢力而已。」「Toby Li」附和：「無錯，自發自願非強求，如果有人強加予（於）其他店身上有D（啲）無理取鬧，甚至係違反民主自由精神囉！」
「Sam Ple Tsui」就直言：「我很討厭黃色經濟圈，開鋪（舖）頭做生意要俾黃絲政治審查？仲有很討厭『支持黃店』這口號，語意不明，扮做野（嘢）。點解我要信黃藍分類？佢分了我要信？點解有人可以有資格分黃藍店？得罪了分種（類）果（嗰）班人我咪食屎？」
■香港文匯報記者 陳川