■十強參賽者包括Tank、Phoebus、Brian等人。香港文匯報訊 （記者 梁靜儀）ViuTV人氣選秀節目《全民造星II》，經過多輪比賽後十強參賽者經已誕生，並將參加今個月十五日舉行的總決賽，爭奪最後冠軍。昨日十強參賽者到紅磡出席拉票活動，吸引數百粉絲到撐場，逼爆三層商場。
昨日十強參賽者包括Phoebus、Oscar、Mike、MC、Tank、JJ、Brian、George、Hugo、Justin進行個別表演及拉票，其中大熱門MC自彈自唱《Where were you in the morning》，甫出場即獲台下粉絲歡呼，而為了比賽勁減廿磅的Mike，選唱陳奕迅的《演唱會》，邊唱邊跳的他更跳到要除去外套， 炒熱氣氛，而備受爭議的Oscar，以妖艷形象唱出經典金曲《芳華絕代》。
花姐否認揀人入MIRROR
提到Oscar及George被網民質疑入圍資格，節目監製花姐就說：「今年大家鍾意的參賽者都好平均，唔似上年一面倒，因為真係入唔到咁多人，其實都係評判揀，Oscar同George入到我聽到都覺得『吓』？不過佢哋喺現場睇同電視睇唔同，好似頭先近睇Oscar個眼神好犀利，可能嗰下電到啲評判。」花姐又強調自己只是ViuTV的小職員，影響不到賽果，所有都是評判決定，她最多只是同評判介紹每個參賽者的性格。至於有傳她會於參賽者中選四位加入MIRROR？花姐否認道：「係咪自己幻想出嚟㗎？我都未決定，睇埋決賽再同老闆商量。」
MC望演出可精益求精
入圍備受質疑的Oscar坦言都想贏，但更想做好演出：「十強係好重要嘅身份，所以網友總有唔同意見，自己只能盡最大努力做好十強責任，唔止為自己而做，亦要為落選者而做得更好。對於獲花姐點名讚賞，Oscar亦大感意外，承諾會更加努力，又高呼：「我愛花姐。」
同樣受到質疑的George，不諱言最初知道自己負評如潮而沒有信心，而且自己頭兩個回合表現不算好，但現在有粉絲支持，希望透過實際行動報答粉絲，亦想暫別負評，不再看各大討論區。George又否認得花姐愛錫，皆因自己甚怕花姐，比賽以來跟她說話也不超過十句，故獲讚賞感開心。
獲不少粉絲支持的MC，受訪時被問到可有信心奪冠軍？他說：「我知自己好多人關注，但擔心大家係鍾意我，定係留意我某啲負面新聞，決賽臨近亦開始唔睇負評，免得影響心情，不過我都對自己有信心，我知自己做緊啱嘅事、行啱嘅路，但賽果都好睇天時、地利、人和，即使贏唔到都無悔。」
談到父親早前病逝，MC坦言爸爸對他好大影響：「比賽時少咗時間陪爸爸，而嗰段時間係爸爸最需要人陪伴，最令我心痛係爸爸喺我面前扮冇事，叫我唔使擔心，但其實我偷睇到他吃藥，爸爸離開咗，睇唔到我入決賽，見證唔到我第二個階段，我真係好遺憾，同埋我覺得自己仲未令佢放心，好多對佢嘅承諾未兌現。」談到花姐提議他要突破自己，MC坦言可能自己每次演出都千篇一律，但他希望精益求精，先專注好音樂上，做好這部分才嘗試改變，並認為偶像不一定要高大靚仔。