■眾《兄弟幫》主持宣佈節目會製作2505集為止。香港文匯報訊 （記者 梁靜儀）林盛斌（Bob）、梁競徽、陳國峰、王梓軒及范振峰昨日為主持的節目《兄弟幫》錄影，席間又推出蛋糕及宣佈節目會製作2505集為止，最後一集將於明年一月三日播出，十年節目正式完結，並完成了歷史任務。
節目第一代主持Bob，聯同競徽一起受訪，二人表示心情忐忑，阿Bob表示加入J2台第一個主持的節目就是《兄弟幫》：「去到明年就完成十年歷史任務，節目完結當然好可惜、不捨，但認識咗好多兄弟，並好多謝觀眾支持，好感恩呢個節目令好多人認識我，同時帶來好多工作機會，知道馬來西亞、美加、柬埔寨都有觀眾收看，我哋呢班兄弟的工作發展都好好，之前仲一齊去登台，同我都係第一代主持人嘅陳偉霆同歐陽靖喺內地人氣仲『澎澎聲』，好多嘉賓關智斌、張致恆都紅咗，（點解唔再做？）做到十年已好難得。」
競徽指節目受歡迎，連帶他也經常被街坊追問節目內容，雖然節目結束，但不排除有朝一日再聚：「停一停行各自嘅路，可能一年半載後再聚做節目未必唔係好事，其實我哋有好多構思， 但需要時間再將idea精簡。」
陳國峰太太再懷孕
競徽又透露近日為劇集《使徒行者3》客串五、六場戲， 再以木蝨一角跟林峯飾演的爆Seed重聚，日前並已煞科。談到林峯亦有偕同女友張馨月出席煞科宴，競徽透露並非首次見「峯嫂」：「我是入室兄弟，見過好多次。 」盛傳二人即將結婚，問到他可有收到喜帖？競徽即裝傻說：「聽講阿峯拍完劇立即離開香港，我哋喺煞科宴飲完，（收到喜帖？）未有呀，我哋冇乜講呢啲，最多講我個女。」
阿Bob就替競徽解圍，扯開話題指《兄弟幫》有喜事宣佈，就是陳國峰將第二度當爸爸。國峰開心說：「老婆懷孕四個月，第二胎都係仔， 我同老婆都鍾意生仔，兩個夠晒數，好事成雙，唔追個女喇，未來要多拍劇搵奶粉錢。」