■黃智雯稱不怕錢嘉樂爆肚。香港文匯報訊（記者 梁靜儀）錢嘉樂、黃智雯（Mandy）、吳若希、楊詩敏（蝦頭）及胡渭康等前晚於電視城為節目《娛樂大家》錄影。嘉樂表示最近都忙於為舞台劇《今晚打老虎》綵排，因Mandy和袁偉豪剛拍完劇集《使徒行者3》入組，未來一星期要加緊合作排練。
舞台劇演出經驗淺的嘉樂，坦言今次的拍檔是羅冠蘭、袁富華、蝦頭等舞台高手，加上又要應付唱歌，心情非常緊張。他又預告會爆肚：「 羅冠蘭最唔鍾意對手爆肚，怕接唔上，但佢都要向現實低頭接受咗我，仲叫我趁綵排時好爆肚，等佢做定心理預算。」
Mandy就稱不怕嘉樂爆肚，上到台就識執生，反而擔心跟袁偉豪跳辣身舞，希望把驚喜帶給觀眾。
此外，談到其老友陳小春將榮升第二任爸爸，嘉樂表示已發短訊恭賀對方，並透露小春很開心：「他話老婆懷孕三個月，未講仔或女，懶巴閉，佢人不如其名，唔係小春，變咗大春。」
吳若希認跟菊梓喬欠默契
吳若希近日被傳力捧同門的譚嘉儀攞獎，企圖力阻另一師妹菊梓喬冧莊得勁歌「最受歡迎女歌手獎」，事後菊梓喬在社交網貼文，寫上「只想做簡單的人，好多不是自己選擇」似有所指。
吳若希回應傳聞時也認同菊梓喬是好簡單的人，但二人合作就欠缺默契及火花，就像打乒乓球，要一來一回，但對方不是她那一類，對方在鏡頭前好柔弱。
吳若希又不諱言睇好譚嘉儀能得金曲金獎，認為這無阻菊梓喬得女歌手獎：「佢點會攞唔到，我拍馬都追唔上，我啲歌都冇乜宣傳，（叫老闆幫手谷？）傻的嗎？成績好唔使谷， 我好滿意自己今年嘅成績，每個MV都係精心製作，好多人話星夢終於有有誠意製作， 但我啲歌唔夠爭，點擊率唔夠人受歡迎。」問到為何未賽先認輸，她說：「 我對呢個世界當然會輸，我啲運氣都放喺個囡身上。」