■王梓軒7年後再踏舞台，並承諾會用二百分的力去答謝歌迷。香港文匯報訊 王梓軒為《CROSSING 源．樂 演唱會》，密集式綵排了三個多月，除了做Gym操肌外，更密密練歌，務求令入場觀眾大飽眼福，聽出耳油。
梓軒話：「我呢個星期每日都係瞓三、四個鐘，臨瞓前都會諗吓個騷有咩要改，希望聽晚大家感受到我同一班戰友及小朋友嘅努力，有一個愉快嘅晚上。」
綵排了三個多月，昨天梓軒終於可以再踏上會展舞台綵排，當拎起小提琴時，百感交集，梓軒話：「7年前，我都係喺呢個舞台上開首個演唱會，今次再踏上台，好多回憶湧晒出嚟，音樂總監同上次一樣都係我師傅趙增熹，7年前，佢對我好嚴謹，我好緊張，真係打醒十二分精神去做，但今日再同師傅合作開騷，感覺完全唔同咗，我冇嗰種壓力嘅緊張，我見到師傅同其中一位最細年紀嘅小朋友練歌時，我仲見到佢好有父愛，其實呢個騷真係好有愛，我呢兩晚會用二百分力去演出，希望入場嘅觀眾Enjoy。」