■黑色暴力影響下令市道冷清，不論「藍店」還是「黃店」都對目前環境叫苦連天。香港文匯報記者 攝質素參差兼遭「黃絲」搲着數 最悲慘直接結業收場
「黃絲」口口聲聲話要「攬炒」，𠵱家都算夢想成真。啲老闆一句話唔啱�哋聽，就會被定性為「藍店」，不斷杯葛、騷擾、破壞製造黑色恐怖，打壓到啲辛苦經營嘅小商店結業，同時嚇得一班冇風骨嘅店舖自認「黃店」，加入佢哋搞嘅所謂「黃色經濟圈」，但結果就好似搞到一團糟。除咗「黃色經濟圈」入面嘅「黃店」質素參差不齊，令一眾「黃絲」怨聲載道外，「黃絲」提出嘅道德脅迫，例如攤大手板問攞「抗爭幣」同各種優惠等，都係叫啲「黃店」忍無可忍，愈來愈多都頂唔順要發post告急，陰功啲嘅就直接結業收場。■香港文匯報記者 郭家好
受近半年連場暴亂嘅影響，好多店舖生意額大跌，最擅長搞分化嘅「黃絲」就雪上加霜，明明係應該開放給所有人嘅生意，卻被佢哋用政治立場綁架。日前就有一間去年獲《米芝蓮指南》推薦的甜品小店「I love you dessert bar」，兩間分店亦在過去半年相繼結業。原來甜品店被捲入「黃藍政見」之爭後，不停被電話滋擾接獲惡作劇來電，遂決定停業歇息，無法再度挑戰米芝蓮殊榮，令人啲多年來嘅心血付諸東流。
除咗呢啲，「黃絲」只要睇間店舖唔順眼，就打上「藍」標籤，肆意攻擊佢哋，甚至有警察到店幫襯、有撐警人士幫襯、有職員撐警等都會被針對，令??家啲老闆人人自危。
「黃絲」要求高又要彈難食
唔好以為認咗「黃店」就冇嘢，其實要標自己喺「黃店」要求都好高㗎，有網民就揶揄「黃絲」對「黃店」嘅「五大訴求」，係「必須提供免費餐、不可以入內地食材、必須接受抗爭幣付款、必須聘請義工、必須捐錢給星火」，之後又補句「你班×街咁多要求，自己做啦」。
但「要求頗高」嘅「黃店」質素就麻麻。就連出名黃到出汁嘅杜汶澤，早排都喺網台節目《喱騷》話要審查「黃店」背景同食物質素云云，因為「好多人都話黃店啲嘢難食」。
開門做生意，當然係安穩嘅社會環境同埋服務質素最緊要，如果呢啲做唔到，加入咩「圈」都唔得，搞到成個香港經濟差咗，分分鐘加速執笠。近排就好多「黃店」生意告急，例如「hokahoka日式居酒屋」就一路高呼所謂「光復香港 時代革命」，又喺告急聲明中不斷咁抹黑政府和警察，但都改變唔到生意變差嘅事實。
網民批「根本走火入魔」
網民「Anabela Leung」認為「攪（攬）炒成功。『黃店』用實際行動支持攪（攬）炒─執笠」﹔「Bee Ho」就恭喜佢哋「靠曱甴黃經濟圈，諗都諗到有咁嘅下場！恭喜。」「多利繪」就喺facebook開post抱怨，「不可能所有有關聯的人的立場都一致滿足顧客。不要為了建立經濟圈迫人表態......更誇張的是連來光顧的客人的立場都要管，若果一切的經濟流動只鎖定局限於同一立場的人群中發生，這班人也只是大一點的塘水滾塘魚吧？」「Aki Li」就直言：「啲人（黃絲）根本走火入魔。」