■鄭世豪與陳偉琪（左）關係密切。香港文匯報訊 （記者 梁靜儀）「細龍太」陳偉琪昨日陪同「細龍生」鄭世豪宣傳新歌，陳偉琪笑指是被迫陪「細龍生」來，因他們剛收廠，她又覺得他首《等得太久》好聽，所以收工後他叫到便來支持，做助手幫他拍片，不過她笑指二人在戲外關係雖OK，又是他的Fans，因日對夜對，𠵱家開始有少少愛，但世豪不找她拍MV，所以嬲了他一陣。世豪解釋：「因為日對夜對呢個肥婆對到悶，加上周梓盈個樣楚楚可憐，而MV係講一個女仔得不到愛。」陳偉琪即嚷着說：「咁咪同我現實一樣。」世豪即指她早前才收到99枝玫塊花。問到是誰送花？陳偉琪說：「唔係嗰個人（指方紹聰），係圈外人送，識咗好耐嘅追求者， （進展成點？）冇進展，觀察吓，係朋友嘅朋友，我哋有單獨食飯，但諗吓先，（方紹聰咁點？）嗰個得啖笑。」世豪即踢爆她當日收到玫瑰花好開心，並見她收過兩次花，一次生日及上次。
另外，提到周梓盈日前在社交平台宣佈不被續約，兩人表示都是上網睇到才知，世豪表示：「但何解就唔知，（你哋仲有冇劇情要拍？）見佢𠵱家好似仲有拍，都有啲可惜，希望佢會有更好發展。」
此外，陳偉琪去年涉醉駕案，她透露今個月8號會上庭。