■ 關嘉敏拍攝時好緊張。香港文匯報訊 女子組合Bingo成員關嘉敏（Carman），參與拍攝ViuTV《黑市》裡其中一個單元劇《過夜》，這是一個很凄美的人鬼愛情故事，而Carman是飾演一個被人姦殺後變成鬼搵返自己男朋友的女孩子。
Carman說：「我係一個聽到別人的事就容易被牽動情緒嘅人，所以最初聽到這個故事嘅時候，已經令我眼淚不斷流，同時亦都好緊張，因為我無呢啲經驗同唔知道應該點演，一直諗應該點樣反抗，應該點樣配合對手，點樣畀反應。到正式拍的時候，落好大雨，然後我瞓咗係巷仔度被人掩着口，壓喺地下，郁又郁唔到，大嗌大喊都冇人理嘅時候，原來真係好慘好無助，個感覺真係好真實，我都停唔到咁喊。」
本來以為拍完心情會好低落，誰知結束了這場拍攝後，她卻興奮到整晚睡不着，她解釋說：「可以感受一啲從未發生過在自己身上嘅事，亦慶幸姦殺只是一場戲，可以嘗試到呢種被虐殺、強姦嘅感覺，令我一世難忘。就連導演都話我有被虐待症，enjoy被人虐待毒打，哈哈。」她更笑言，如果日後有機會，她都想演出其他被虐的戲份，例如被綁架，被人追殺，被喪屍咬死等。