■陳自瑤曾獲李居明過兩招。香港文匯報訊（記者 梁靜儀）李居明、陳自瑤（YoYo）、石詠莉、石修及蓋鳴暉等，昨日出席電影《致富者聯盟》 首映禮，李居明表示早前與YoYo為香港鼠年求籤，結果求得「中中籤」，他說：「豬年同薛家燕坐直升機喺黃大仙廟上空求籤，當時求得下下籤，今年喺空中求得中中籤，籤文話香港會離開唔好運，登上好運，整體經濟比2019年好，香港現在表面上好似動盪不安，但唔係想像中咁差，大家唔使移民，至於電影、電視方面，就依然不景氣，除了一些異類電影，或者成本不高但有意思的小製作至有出路。」
李居明又指《致》片教人致富及擺陣，問到他可有過兩招給YoYo？李居明就爆YoYo很想自力更生：「拍攝時佢話好想自力更生，去杜拜拍攝期間，我就幫佢補金，幫佢由頭落腳戴上金器，返到香港佢就接咗個豐胸代言人廣告，聽講酬勞過百萬。」
YoYo透露之前先後到了杜拜及紐約拍攝，監製李居明就教她在沙漠裝一樽沙回家，及提議她買一盞紅色吊燈掛在屋企大廳，指這會催旺她整個人。談到李居明爆她回港後以百萬酬金接拍豐胸廣告？YoYo笑說：「唔知呢，師傅鴻福，（佢仲爆你想自力更生，係唔係有所暗示？）我一向都緊張自己嘅事業，想再好啲，（會唔會想少啲是非？）師傅又都教咗好多法寶畀我。」說到她只求事業，不求感情？她解釋只要整個人都旺，整體都會改變。她的老公王浩信日前得到「人氣王大獎（男歌手）」，問到如何慶祝？她只說：「大家都知佢呢排拍緊劇好忙，得閒再慶祝。」
石詠莉認定老公是潛質股
石詠莉自言拍攝前對玄學零知識，她都有向師傅請教吸金大法，連身旁的單身女性朋友也受惠：「其中有兩個閨蜜都搵到好伴侶，（有冇後悔咁快被鄧健泓私有化？）冇，我覺得老公好好，佢係一個好強嘅潛質股，唔係樣樣講錢，有啲嘢錢係買唔到。」談到新一年的事業發展，她透露與唱片公司完約後可能會離巢，仍未決定會簽公司還是自己做製作，她覺得簽經理人就像拍拖搵男友一樣，搵個夾的是很難的。