■左起：袁偉豪、黃智雯、楊思敏及錢嘉樂。香港文匯報訊 （記者 梁靜儀）錢嘉樂、袁偉豪 （阿Ben）、黃智雯及楊詩敏 （蝦頭）主演的舞台劇《今晚打老虎》，尾場已於前晚假演藝學院順利演出，導演潘嘉德率領一眾演員出場謝幕，更在台上透露錢嘉樂及黃智雯在綵排時受傷，而重回母校演出的蝦頭致辭時亦一時感觸哽咽。嘉樂表示今次演出舞台劇，用了四五個月時間成功減去廿八磅，之後都無反彈。
黃智雯受訪時透露因右腰受傷的關係，原本袁偉豪要將她拋起再接的動作，也因此需要改動，現時已無大礙，完成演出後可以好好休養。她又說：「今晚最後一場，我哋講明要爆肚，因為冇仇報，阿Ben （袁偉豪）好勁，即席Jam咗首洋曲。」
袁偉豪就自爆當晚兩人的蝦碌事：「我哋跳舞嗰陣，兩個頭套黐住咗，好彩冇扯甩。」黃智雯認為舞台劇最考執生，幸好有驚無險順利完成演出，今次能與多位前輩合作，令她從中學到不少，希望可原班人馬巡迴演出。問到他們會否擔心無綫不放人？袁偉豪認為好的作品，得到觀眾支持，大家應該配合。問到他可有因要演出舞台劇冷落了女友張寶兒？他說：「冇，佢成日都喺度，喺後台幫我，有時啲朋友嚟睇，佢又幫我招呼朋友。」
蝦頭於劇中與錢嘉樂飾演情侶，她大讚與對方合作有火花及默契，並透露正計劃再合作：「我哋密謀緊將來一齊做啲爆嘢，睇下電視劇、電影會唔會再有機會合作，唔好嘥咗啲默契。」
梁漢文擬開30周年演唱會
嘉樂提到他綵排時受傷，要照磁力共振，嘉樂說：「我踩『人梯』嗰Part，綵排嗰陣失平衡，成個彭丹拱橋咁，之後好痛，我怕拉傷韌帶，最後去照原來扭到個半月板。」為了演出，他做運動及辟穀（禁食的一種方法），成功減去廿八磅：「之前190幾磅，德哥話王老虎唔使減，但係我唔係肥，係腫，所以都要減下啦，用咗四五個月時間，之後都冇反彈。」
當晚不少圈中人前往捧場，包括梁漢文（Edmond）、方力申、胡定欣、宣萱、高海寧、趙希洛、吳若希、胡鴻鈞、錢嘉樂的太太湯盈盈及兩名女兒及兄長錢小豪等，事前應承到場的馬國明則臨時缺席。
梁漢文與好友方力申台前巧遇，Edmond表示專誠來撐舞台劇導演潘嘉德，感激對他當年邀他第一次任男主角演出劇集《廟街．媽．兄弟》，希望看劇輕鬆笑着迎新一年。他透露正籌備開慶祝入行30周年演唱會：「已申請好年底喺紅館開騷，同時稍後會推出新歌，而劇集《假設性無罪》將原班人馬拍攝新故仔，暫時未收到劇本，之後會約一齊開會傾。」
單拖到場的方力申就希望新一年物色到女友，屬猴的他笑言鼠年一切順利包括會有姻緣。二月將四十歲生日的他，透露正計劃開派對慶祝，到時身邊十多位好兄弟，都要帶同單身女性朋友出席派對介紹做媒。問到擇偶條件？方力申說：「唔係我揀人，係人揀我，女仔最緊要脾氣好，脾氣唔好幾靚都無用！」Edmond聞言就搞笑指自己相反，喜歡臭脾氣的女仔，但太太卻是好好脾氣。