■左起：胡㻗、黃嘉雯、王菲及黃庭鋒。香港文匯報訊（記者 梁靜儀）應屆港姐冠軍黃嘉雯（Carmaney）、亞軍王菲、黃庭鋒及胡㻗，昨日出席無綫《浪琴表香港馬術大師賽2020》記者會， 並聯同電視廣播董事局策略顧問鄭善強等人進行敲響 「幸運銅鑼」儀式。
Carmaney表示之前曾跟朋友一起去學騎馬，學了大約兩、三個月：「都好Enjoy，但一啲都唔容易，如果隻馬Feel到你驚， 就要畀隻馬『蝦』，所以有時我要隻馬走去一邊，都試過隻馬唔受控制周圍去。」笑問到駕馭動物還是男友比較難？她笑說：「動物始終難控制，我唔會控制男友，好Free (自由)，大家會互相遷就。」
剛過去的聖誕節Carmaney與外籍男友去了瑞士度過：「去咗十日，感覺似過外國版農曆新年，每日都好Chill滑雪同室外溜冰。」問到新年去拜年可會驚被催婚？她說：「屋企人唔會催婚，都知我事業啱啱起步。」下月將選華姐的她，表示要戒吃煎炸食物。
王菲表示都想學騎馬，希望之後拍古裝戲可以用得上。談到新年，她表示跟往年一樣都會去男友家拜年，問到可怕被家人催婚？她笑說：「唔會，男友年紀同我都差唔多，佢都想努力工作，等工作穩定先。」