■ 何雁詩與丁子朗跟大家拜年。香港文匯報訊（記者 李思穎）何雁詩、余德丞、丁子朗出席新春活動。準人妻何雁詩在新年期間便同未婚夫鄭俊泓（Fred）及家人外出旅行，她說：「新年同Fred去了布吉，參加了detox camp ，感覺好有紀律，每朝6點起身做運動、聽健康講座，希望新一年大家都健健康康！」對於今年最後一年逗利是，她謂：「因為唔喺香港，今年唔係逗得好多！今年會努力工作，希望下年派利是可以得體啲！」
至於陽光男孩余德丞，講到新年願望，他表示：「今年每個人嘅新年願望應該都係身體健康，百毒不侵，大家都買到口罩、消毒藥水、酒精搓手液；一切順順利利，希望拍多啲好節目同劇集畀大家。」
人氣急升的丁子朗就說今年的願望是：「上年《解決師》反應好好，希望今年都可以喺綜藝節目以外發展多啲，拍多啲劇。同埋我生肖屬牛，同鼠年係friend ，希望今年一切順利啦！」