■ 駱胤鳴拋寶牒許願。香港文匯報訊 歌手駱胤鳴（烙印）早前接受香港開電視《娛樂頭條E-News Headline》主持馬梓軒邀請，到大埔林村許願樹拋寶牒，祈求新一年身體健康、闔家平安等，但想多些時間過二人世界拒絕連生貴子！經過5次努力，烙印第6次成功將寶牒拋上許願樹，她興奮不已表示：「其實我從未來過許願樹拋寶牒，之前過年我會去車公廟、黃大仙廟，一直覺得許願樹咁近自己屋企，唔使特登去，所以咁多年都冇去過！」
烙印將於今年12月27日與圈外男友Kelvin結婚，被問及對方有何吸引之處，烙印隨即數出三大優點：「第一係佢好細心，佢比我更似一個女仔！佢個袋一定會有紙巾、濕紙巾，甚至曾經有一段時間有衛生巾；第二係佢好識煮嘢食，呢樣真係令我好妒忌；第三係佢工作好認真，佢可以唔聽我電話同唔覆我訊息！我唔會嬲佢，因為知佢真係做緊嘢，呢三樣嘢都好值得嘉許！」
近來忙於籌備婚禮的烙印，坦言有很多細節要處理：「結婚真係好多嘢搞！例如姊妹兄弟人數、花車，最近又同未來奶奶睇酒店，每星期都有個目標要達成！至於擺幾多圍就未落實，但因為男家親戚多，同埋想邀請好多圈中好友，所以預計會有30圍。」