■ Aka為求拍攝效果去到盡。香港文匯報訊 （記者 梁靜儀）今年繼續「單飛」推出新歌的Super Girls隊長趙慧珊（Aka），近日推出派台歌《到底之後》，歌曲講述人生遇到困難陷入絕境時，不如嘗試果斷地抽身而退。Aka稱亦曾遇過困境：「當時覺得做咩事都唔順利，加上有好多批評聲音，令到自己好唔開心，但之後我就去想為何不承認自己去到谷底呢？當自己去到谷底時，原來你會發覺冇嘢可以驚，你會覺得仲有咩比現在更衰呢！」
日前Aka為歌曲到郊外拍攝MV，其中一幕更爬上一棵大樹，她表示第一次爬這麼高的樹拍攝，其實開始幾驚，但最驚不是因為高，而是樹上有很多蟻，當她撐上去時整死了很多蟻，感到對唔住牠們。
MV中她又大展在韓國訓練的舞技，晚上在樹林內跳舞，加上導演設置嘅燈光效果，演繹出在谷底跳舞的感覺，但拍攝時不慎整傷腳，她說︰「因為泥土有啲濕同有好多石，而且夜晚拍攝，我睇唔到地下，有一些樹枝同葉，當跳舞有一個高難度動作，我要跳起隻腳，結果就整到腳同小腿中間位置，大家都聽到 『卜』一聲，當時我係擔心會骨折，好彩唔係，第二日全日行路都係會痛。」