陳涵林與姜卓文合作拍攝MV。香港文匯報訊 女新人陳涵林（Karen）早前拍攝新歌《當我變成我們》MV，老闆Laura親自出馬邀請好朋友姜大衛的愛子姜卓文擔任MV男主角，師姐張可頤更以公司製作部行政總裁身份擔任MV製作總監。
拍攝當天由早上7時開工拍到翌日凌晨，姜卓文一直陪着Karen拍足17個鐘，當晚更遇上冷鋒，氣溫驟降只得攝氏10度，兩人還要穿上單薄的夏天短袖、短裙校服在清水灣郊區一間學校取景，但兩人捱足17小時依然精神十足，沒有呻過半句辛苦或露出疲態，而且愈演愈好，大家都讚兩人好有潛質做演員又夠專業。
拍足17個小時，Karen覺得最困難的是天氣很冷卻要扮夏天，姜卓文則笑言：「最辛苦冇得食嘢，我好鍾意食嘢，哈哈！」《當我變成我們》MV兩人飾演兩小無猜的中學生，首次合作相當投緣，姜卓文讚Karen：「Karen好叻女，好似玩樂器咁，初初見佢完全唔識，但教佢玩一陣，就見佢愈玩愈叻，要演兩小無猜，開頭有啲尷尬，但佢好叻好快投入，好開心認識咁叻的歌手。」Karen對姜卓文印象也很好，連聲讚他：「好親切，又肯幫人，照顧我，又教我彈結他，係一個好好嘅男仔。」