第七場､第一班､一二○○米。「激賞」翻看去季二七一總場次二班泥地千二輕鬆大勝後，再出三場又入位，結果加分多咗，便隨即部署減分；今季上仗復爭泥地千二，孭一二二磅跑入Q腳；今次轉爭谷草千二有快馬開路相信一定好跑，小心潘明輝又替蔡廄爆冷門。
第八場､第三班､一六五○米。「劍追風」上季尾轉投鄭廄首戰，跑谷草一哩以亡命的快步速領放，只負於上季五捷的「好利運來」半馬位，而該役在其身後過終點的「蟲草之星」和「興爾」等，水準可見；今季轉投摩廄，上次起用熙仔於田草千四搶放得手，今次唞夠復爭谷草一哩沿用熙仔出拚，屆時有分頭值得敲之。
第九場､第三班､一二○○米。「凱旋來」四歲南非自購馬，季內七戰以跑窄場較好，贏馬一役評八十分配潘頓一放到底，可惜打後三戰只取得一亞，至於今晚仍爭三班谷草千二兼由郭能主轡，只要起步放得出，隨時再闖三甲。