香港文匯報訊 黃妍（Cath）的國語新歌《失憶的魚》亦正式派台，歌曲的MV更鮮有找來香港年輕動畫師製作，Cath 看過後都愛不釋手。
自Cath出道已為她炮製 MV 的導演何海藍，今次找來一班年輕動畫師，來自公開大學的畢業生，為 Cath 度身訂造繪製了2D手繪風格的動畫 MV。製作團隊說：「收到《失憶的魚》首歌時覺得歌曲好有詩意，亦有啲抽象嘅感覺，所以就諗，不如做個全動畫嘅 MV，因為喺香港都較少歌手會做，然後透過喺大學教授動畫嘅同學，透過佢認識咗一班畢業生，佢哋嘅作品都充滿藝術性，同Cath嘅文青形象好夾。」
在《失憶的魚》MV 中，女孩在與母親的回憶、心中深處的夢境和現實間穿插。雖然想忘記，但蝴蝶的出現總會勾起她的回憶；雖然想前進，但回憶總會拉她回來與往事相見，被困在黑暗、迷失之間，如同地獄般來回折返。何海藍進一步介紹MV的製作概念，說：「歌曲一開始畀我嘅感覺係有種淡淡嘅哀傷，歌詞都係講述有個人迷失喺一個世界裡面，正好同我哋嘅動畫作品嘅主角處境相似，而且節奏緩緩地帶入到高潮，亦係我哋團隊為作品定立嘅目標之一。喺剪輯畫面嘅時候，歌詞同畫面嘅配合更係畀到我另一番感受。希望樂迷欣賞過呢個動畫 MV 後，能有自己嘅一番解讀和深思。」至於Cath看過MV 後也讚賞不絕，她說：「估唔到香港有咁年輕又出色嘅動畫師，MV嘅構思同畫功令我覺得讚嘆，佢哋嘅心血，令《失憶的魚》更具震撼力。」