■余香凝香港文匯報訊 日前余香凝（Jennifer）接受專訪，大談推出新歌《無得比》發放正能量的感受。Jennifer說：「我唱歌唔係玩玩下，自細已經有歌手夢，參加好多歌唱比賽，之後拍電影，發現除咗自己多咗個興趣外，我從演戲角色中搵到好多創作靈感，所以開始同監製一齊創作歌曲。我覺得做戲嘅我，都係表達編劇同個角色，但我余香凝想表達嘅嘢就可以貪心啲，喺我嘅音樂講出嚟。」
余香凝稱受父母熏陶愛上音樂，她說：「媽咪都好鍾意唱歌，係佢叫我學鋼琴，以前佢租咗好多卡拉OK返屋企，我哋一齊喺屋企開騷！而爸爸自學好多樂器，有二胡、小提琴、口琴同手風琴，佢叫我創作一啲中國風嘅歌曲，佢話咁就可以同我Crossover！」對於月尾的音樂會因疫情延期，余香凝表示最緊要人人身體健康，她說：「某程度上都係好事，𠵱家多咗時間可以練多啲歌，創作多啲歌，Rundown可以排得更好，之前唱現場好緊張，因為冇得NG，唔同拍電影，所以開騷對我嚟講好大挑戰。」