■鄧梓峰提點在美國的子女要勤洗手。香港文匯報訊（記者 梁靜儀）鄧梓峰、劉雅麗及莫家淦等，昨日到黃大仙出席《同心抗疫捐口罩音樂會》。
鄧梓峰攜同結他到場演出，他表示疫情後已很久沒有夾Band，而這次是以籌款方式買口罩幫助有需要的人。新冠肺炎持續蔓延，梓峰表示這段期間，太太經常留在家中留意疫情，他都怕太太睇得太多資訊會緊張及大壓力，所以有時都會捉太太出街食飯放鬆一下。
育有四名子女的梓峰透露子女們身在美國波士頓，說到當地疫情越來越緊張，他坦言都擔心：「美國人喺防疫方面似乎較掉以輕心，佢哋冇人戴口罩，如果出街戴口罩好似好奇怪咁，我就叫佢哋多啲洗手，（有冇寄口罩畀仔女？）冇，但有叫佢哋買少少。」
問到他可認識近日離世的商人陳曜旻？梓峰說：「我就完全唔識陳生，據我所知鄧小宇都唔係好熟喇，都係聽朋友講至寫咗篇文，而對方出殯日子同地點我就更加唔清楚。」
莫家淦帶備私家咪到場，他表示會唱三首歌，包括《李香蘭》、《當年情》及《新不了情》。
譚詠麟鐵粉離世
此外，曾追隨譚詠麟數十年的忠實粉絲「肥萍」（林楚萍），近年亦有追捧鄭俊弘及無綫娛樂新聞台主播王鎮泉，昨日王鎮泉透露開工前收到肥萍離世消息，說時忍不住落淚。
王鎮泉說：「兩日前 (三日前)收到肥萍入院消息，我就拍條片同錄音，叫佢加油、快啲起身，仲答應佢同佢飲茶，但今日 (昨日)收到佢病危消息，我同佢視像，當時佢回應唔到我，只能聽到我把聲，十幾分鐘後再收到肥萍離世消息，知道佢有屋企人陪住，希望佢走得安心。」說到此他已忍不住落淚，又稱很感激肥萍一直支持自己，他人生第一個燈牌也是對方為自己製作。他指會聯絡肥萍的家人，能夠幫到手也會盡力幫忙。