■肥媽指契仔6號好忙，每周拍攝時間有限。香港文匯報訊 （記者 梁靜儀）肥媽（Maria Cordero）與契仔陸浩明（6號）主持新一輯的《健康食平D》，會教大家食平D之餘，在疫境下食得健康。
昨日肥媽與6號出席節目記者會，席上又介紹抗疫菜譜，分享健康飲食小貼士。因新冠肺炎疫情肆虐，肥媽表示每日返工都好驚，她說：「因為屋企有個病人（老公），每日入到（錄影）廠接觸好多人，化完妝又唔戴得口罩，收工返到屋企，入門口即由頭噴到落腳，即刻衝去沖涼。」
肥媽又投訴6號是個大忙人，除了主持《健康食平D》外，還有份主持其他節目，所以每星期只能夠錄影兩至三日，也因此令她有很多空閒時間，可以種菜及開Live與網民同步下廚煮食，令她大感過癮：「網民好多時都即興提議菜式或者甜品，又可以即時發問，跟住仲即刻交功課，好過癮，多謝6號成日唔得閒。」
仔女定居英國及美國的肥媽，談到兩個地方疫情非常嚴峻，肥媽坦言相當擔心，唯有每日靠FaceTime聯絡：「我個仔住喺英國，我日日都FaceTime提佢哋唔好出街，個仔就話每兩個星期至出街一次買食物同日用品。」問到肥媽可有想過叫子女返港？她說：「初時都有諗過，但屋企唔夠大畀咁多人住，加上啲孫要網上上堂，因時差關係，網上授課有一定困難，最後都係打消念頭。」
緊張子女的肥媽為免家人對防疫鬆懈，每日都會提他們要飲鹼性飲品、蔬果要清洗才進食等，她笑言跟仔女溝通都比以前多了，她又自爆連大孫女在外國考駕駛執照，都要求孫女開FaceTime：「我除咗留意佢揸車情況，最主要係想睇吓孫女身邊啲人有冇戴口罩同抹手，睇到有，我同老公都好開心，不過呢排成日用手機上網，近視都深咗。」