■民建聯在facebook上載一條「攬炒無飯開」短片，呼籲大家立即登記做選民，以選票踢走「攬炒派」。 民建聯短片截圖疫情開始前，黑暴已肆虐香港大半年，最終真係攬炒香港唔少打工仔。民建聯噚日喺facebook上載一條「攬炒無飯開」短片，指出香港失業率剛破9年高位升至3.7%，攬炒已害咗超過13.4萬人「無咗個飯碗」，呼籲市民把握喺下月2日限期前，立即登記做選民，以選票踢走「攬炒派」，強調「攬炒要制止，做選民開始」。
段片一開始就係啲舖頭結業嘅場面，香港市民過去大半年都見到唔少。民記仲喺段片度講咗黑暴攬炒對香港嘅影響，包括餐飲服務活動業失業率高達7.5%、旅遊業失業率6.1%。
唔少網民都話支持建制派，阻止泛暴派攬炒香港。「Wai Wah Leung」則話：「踢走攬炒派，最重要可保住及至小（少）不會損害至（摯）愛親朋飯碗！」「Shing Pang」擔心︰「反對派上到場，香港失業必到30%！真正攬炒！」
■香港文匯報記者 黃書蘭