■ 簡淑兒開工時不能戴口罩，故特別小心。香港文匯報訊（記者 梁靜儀）簡淑兒昨日回將軍澳電視城拍攝古裝新劇《一笑渡凡間》 ，首次演古裝劇的她表示今次的角色很有挑戰性，劇中會有四至五個造型，更要由忠演至奸，最後更成了妖女。
她又預告戲中有一幕除衫大露背色誘蕭正楠的戲份。問到她事前有何準備？她笑說 ：「古代好簡單，除衫撲埋去就得，之前又有跟陳婉衡做運動， 都有train背部線條。」
新冠肺炎全球蔓延，她表示比較擔心在美國紐約居住的家人：「父母家姐同妹妹都喺美國紐約住，家姐喺當地做護士，佢工作間醫院都有接收新冠肺炎病人，家姐要照顧病人，又唔夠防護裝備，收工後都唔能夠返屋企見個女，所以我都好擔心，之前都寄口罩同面罩畀佢，每日都有聯絡溝通。我有叫爸爸媽媽唔好出街，雖然當地華人社區防疫意識已較好，但爸爸都話怕戴口罩出街會被外國人歧視，就算家姐係護士，之前都試過戴口罩出街被人畀中指。」
早前無綫有員工確診，簡淑兒表示開工時不能戴口罩，所以都會特別小心，回家後會立即進行清潔同自我隔離，不敢怠慢：「因為同住的家姐之前做過肺部手術，已幾個月冇同家姐食飯，傾偈都要戴口罩。」
另外，好友余思霆日前透露公公過世，簡淑兒表示已問候了思霆，對方都很堅強，並已回台灣陪伴家人。