香港文匯報訊（記者 梁靜儀）馬國明昨日於將軍澳電視城為新劇《BB大晒》開工，他表示現時主要拍廠景。問馬國明新的「限聚令」可有影響拍攝進度？他說：「影響緊，因公司多年來都係外景接廠景，廠景接外景，現在外景就停咗，未知幾時會拍，要等公司安排，都冇辦法。廠景間中都會有小朋友嚟拍攝幾個鐘，劇組都盡量先拍咗小朋友，套劇原本預計五月初煞科，但𠵱家一定冇可能，我之後啲工作都要順延。」
至於原先計劃年底開拍的《白色強人2》可有變？馬國明表示希望到時疫情已過去，又認為現時不單影視界有影響，各行各業在疫情期間都受到很大影響，希望疫情盡快過去：「我父母之前間中都會出街食飯，呢段時間佢哋都好少出去，自己就日日喺公司餐廳食飯，因為每張枱只可坐四人，上次五個人去食飯都要分為兩個同三個坐。」