■鄭俊弘(右一)、張家誠(右二)聯同菊梓喬(左二)接受許文軒(左一)訪問。香港文匯報訊（記者 李思穎）無綫娛樂主播許文軒（Edmond）首個獨挑大樑的個人節目今晚在J2台首播，節目是邀請一眾本地音樂人包括幕後音樂人、歌手、樂隊、本地獨立單位，還有為香港樂壇付出的一群現身節目暢談他們的音樂故事。
Edmond透露：「今次係一個雜誌式音樂訪談節目，近年香港沒太多音樂節目，整個節目由構思、請嘉賓、聯絡至後期製作同剪接我都有份參與，成個過程足足超過一年，見到節目出街就好似生BB的感覺，希望透過呢個節目大家會重拾對廣東歌的熱愛。」
近年劇集歌曲大行其道，Edmond於首集邀請創作超過百首劇集歌曲的張家誠（Alan），聯同菊梓喬（Hana）和鄭俊弘（Fred）分享他們創作及演繹劇集歌曲的點滴。Hana表示張家誠為她創作的《飛蛾撲火》足足錄了兩個月，她說：「唱呢首歌好有感覺，一路錄一路喊，搞到喉嚨發炎，而且首歌好難唱，完全冇得唞氣，要mark低邊度唞氣位，一唔唞你之後就冇得唞。」
Fred表示第一次錄歌便是由張家誠監製，他說：「第一隻係錄《投降吧》，本身呢首唔係劇，估唔到一首side track，竟然變成我最高點擊率嘅歌曲。其實第一次錄音時好緊張，因為冇乜經驗，唔知Alan有咩要求，原來佢要求都幾高，試過一句錄咗一晚，係咁被佢捽。」
張家誠於節目中大爆其作品的創作靈感來得特別，Alan說：「好似薛凱琪的《下次下次》，喺我發發下夢，突然有靈感醒咗，要off load咗段旋律先瞓得返，而鄭融的《紅綠燈》就係去泰國旅行游水，突然閃咗段chrous，立即爬上水叫服務員畀張紙我記低，好記得張紙係濕晒。」