■ 陳靜(右)以畫畫抗抑鬱。香港文匯報訊 陳靜（DaDa）早前接受ViuTV《金像女情》節目訪問，提起畫筆與主持何嘉麗細談初入行及在影圈的十年經歷。
DaDa指畫畫就是幫助她釋放壓力其中一種方法，當年她拍完第二部戲，已有抑鬱，「娛樂圈好難保護自己私生活，工作要面對很多人，我未夠成熟處理，抑壓住、屈住 ，加上由細到大都係報喜不報憂，唔敢同屋企人講， 直至失眠診斷有抑鬱，嗰段時間好難過，但感恩學識與家人分享，關係變得親密。」
訪問當天她帶來幾幅畫作都以黑色為主，然而當中有一幅藍天碧海，兩個人在漫步，她說當時是熱戀中，「當我專注畫畫時候就唔會想太多事，拋開困難、煩惱，而每張畫都記錄咗我當時嘅感覺。」
DaDa現已懂得如何去紓壓，然而她對每演一個角色依然認真，她說要演活一個角色，「生活」是很重要。問她演感情戲是否就要拍下拖，她又多拍拖經驗嗎？DaDa說：「我都多嘅，因為係有需要。試過一段時間冇拍拖，唔想咁多緋聞，想專注做嘢，但發覺咁嘅生活有點不對，如現實生活冇咗呢啲原素又點去演出呢，與呢種感覺唔可以脫節太耐。不過拍拖時候心裡住咗一個男人，而我又係工作為先嘅人，所以好唔想拍拖。 」
DaDa已入行十多年，問她試過退出的念頭可還存在？DaDa坦言：「我係需要有家庭嘅人，以前想過26歲結婚、27歲有小朋友。但都過咗喇，今年我30歲，就隨緣啦，但亦難保會閃婚，婚後我定會以家庭為重，就唔會再眷戀！」