■ 黃建東即場烹調番茄炒蛋及麻油雞酒獻給媽媽。香港文匯報訊 藝人黃建東（東東） 及媽媽黃葉慧茵（Diane） 昨日獲邀上《流行都市》擔任母親節特輯嘉賓，東東更即時烹調了番茄炒蛋及麻油雞酒獻給媽媽品嚐：「由細到大最鍾意食媽咪煮嘅番茄炒蛋，每次都會食到一粒飯也不剩，同埋中學時候有次去同學仔屋企每人要煮道餸，媽咪立刻教我煮番茄炒蛋，係我人生學嘅第一道餸。」
當問及有什麼難忘的母親節事情，東東大爆有年母親節他請媽媽吃頓豐盛的母親節大餐，食完飯之後同阿媽溫馨逛街，可能黃媽媽太冧情不自禁拖住阿仔，跟住東東口衰衰話似拖住葉德嫻飾演的桃姐，誰知黃媽媽立刻回應：「你就想喇，你邊忽似劉德華？」把東東完美K.O.。