香港文匯報訊（記者 梁靜儀）黎諾懿、高海寧（高Ling）及馮盈盈等昨日為無綫節目《big big shop感謝祭》錄影，近日正忙於拍新劇《刑偵日記》的黎諾懿，表示因技術問題，今日母親節劇組會放假，他會在家中和太太及外母慶祝。問到是否親自下廚？他說：「工人煮，我執頭執尾，其他等老婆搞，（送咩畀老婆？）送咗個仔畀佢囉。」他表示星期一才和自己媽咪食飯慶祝，他笑說：「媽咪當然會明白，佢都想個仔生活過得好啲，而且仲有哥哥同細佬分別同媽咪慶祝。」為了新劇染頭髮的諾懿，透露在劇中飾演亦正亦邪的高級警察，並會跟惠英紅和姜皓文等好戲之人合作。高Ling亦表示母親節會留在家中跟家人一起慶祝，打算買長腳蟹及海鮮慰勞媽咪，加上她稍後會拍新劇《七公主》，拍埋同劇的女演員林夏薇、黃翠如及陳曉華都顯肥，食海鮮適合不過，問到目標要減多少磅？高Ling說：「盡減，我全日只食咗兩隻雞蛋同沙律，同埋剪咗頭髮好易顯得肥。」
馮盈盈否認與鄭衍峰同居
另外，馮盈盈因與主播鄭衍峰近日傳出緋聞，兩人被網民發現用同一枱墊疑似在家中玩煮飯仔，因而被指同居，對此盈盈解釋：「一張枱墊唔使大驚小怪，出面好多家品店都有同款枱墊，只能說我哋品味相似，（傳你們同居？）唔係呀，冇啲咁嘅事，我搬出來係自己住，咁細間蝸居，唔夠位瞓。」她強調與對方是好朋友，承認有時都會相約食飯，又大讚男方質素不差，可以跟對方相襯即是自己都不差。問到將來拍拖會否公開？盈盈說：「如果感情去到成熟、穩定會公開，但仲未成事，希望大家畀啲時間我。」