■ 郭晶晶（左四）、李慧詩（左二）和黃金寶（右）均有參與活動。香港文匯報訊（記者 楊浩然）一眾運動員和名人身體力行，支持聯合國兒童基金香港委員會（UNICEF HK）發起的「口罩下的心情」分享行動。UNICEF HK大使郭晶晶、李慧詩及黃金寶，率先於社交網高舉「心情卡」，透過圖像展示自己的「口罩下的心情」，藉此守護兒童的微笑和情緒健康。李慧詩表示︰「疫情下大朋友同小朋友都可能會有好多疑問，不過無論係開心、唔開心、嬲又好，笑又好，懷住點樣嘅心情都好，都唔好怕同人分享，咁先係錫住自己嘅方法！你今日嘅心情又係點呢？」
「口罩下的心情」分享行動同時獲空手道運動員李振豪、體操運動員石偉雄、輪椅劍擊運動員余翠怡於社交平台響應，李振豪更抒發與病毒打硬仗的感受。
剛克服新冠病毒的李振豪表示︰「呢段日子嘅心情都幾複雜，有過對病毒嘅恐懼，有過留院期間嘅煩悶，但無論如何都要勇敢面對。身體同心靈都可以係道場，雖然面對緊前所未有嘅挑戰，我一定會用意志同信念打贏呢場仗！」
石偉雄表示︰「多一年（奧運）嘅等待都係操練自己嘅機會。保持一顆平常心，每一個細節都力臻完美，之後回望經歷過嘅挫折與努力，相信每個人都會感激𠵱家嘅自己。即使出街仲未除得口罩，都要執靚心情，珍惜每一刻。」
余翠怡則表示︰「喺艱難嘅時刻，最緊要係調節心態。雖然奧運延期打亂晒訓練計劃 ，但留喺屋企都會記得train from home，為未來作好準備。『關關難過關關過』，輸咗嘅比賽可以一劍一劍贏翻嚟，無論有咩風雨，我哋一樣可以笑住面對。」