■余曉彤參與運動煮食平台比拼煮能量食品。香港文匯報訊 （記者 依江）曾參與第一輯《美女廚房》，當年親手餵鄭中基等一眾星級評判，並取得滿分的一口Pizza的余曉彤（Hidy)，今次獲邀做運動煮食平台嘉賓，與世界級越野跑選手黃浩聰一齊比拼廚藝。
余曉彤對自己信心十足，跑不贏黃浩聰，應該都可以煮得贏對方。她表示 : 「自己都玩過好多越野跑賽事，最快100公里都要跑21小時，望住自己偶像黃浩聰快到唔似人，終於有樣嘢可以挑戰佢同攞返自信心。」今次的烹飪活動源於疫情令很多山賽取消，之前儲存的能量食品、Power Gel等都快過期，為了不浪費食物，便用來作食材煮嘢食。她說：「比賽一開始要自己選食材，三十分鐘時間要煮好一味菜式同弄好一杯飲品，見到個菠蘿就諗住向難度挑戰開菠蘿，用泰式菠蘿飯嘅概念去整咗呢個菠蘿Gel同菠蘿能量冰，無諗過評判們都好鍾意，仲攞到最高分，擊敗咗香港最強嘅跑山選手。」Hidy大讚今次活動環保又好玩，把能量食品做成好味的菜式，疫情過後大家都可以用這種方法來進食。