【資料速遞】時時精綵目空一切

2020-05-22

今季最後一場國際一級賽，就係三冠大賽尾關渣打冠軍暨遮打盃，呢場賽事將於周日舉行，今屆只得七駒參戰，兼且同早前嘅皇太后紀念盃一樣，只得大摩、告東尼兩個馬房參與。大摩派出四駒，就係跑完皇太后紀念盃嘅「任我行」、「鷹雄」、「喜蓮彩星」及「玖寶」，反而告東尼嘅參戰陣容增強，喺皇太后紀念盃跑第四嘅「喜蓮騏星」冇報名，反而安排目前香港最佳長途馬「時時精綵」、上季打吡冠軍「添滿意」同今季香港金盃盟主「馬克羅斯」應戰，今次大摩再鬥告東尼，應該係告東尼佔先啦，當中以「時時精綵」最具冠軍相。