今次是季內最後一次全泥夜賽，以往跑泥地賽，通常只是在日馬加插兩至三場，使到馬迷未能過足癮，今次夜賽編跑九場泥地賽，喜歡泥地賽的馬迷今勻可過足癮。而泥地夜賽甚麼模式，利放頭或後上，擅外檔追或中檔取位贏馬，相信馬迷跑過兩三場，得到足夠數據後才重注都未遲。既然今次是跑全泥地夜賽，有些數據不妨拿出來跟大家分享吓，例如那個馬房今季部署泥戰成績是最醒神，相信大家猜也猜不到，原來是文家良馬房，勝出率是18%，屬各廄之冠，上名率則有40%，雖然未屬各廄之冠，也是排第二名，講到泥戰上名率最高是呂健威馬房，竟有46%，差不多近一半上名率，這兩個馬房的戰馬在泥地角逐，大家便要留心，從中搵到心水必有收獲。既然文家良馬房的泥戰馬勝出率最高，這次夜賽旗下一對同系家族馬「翡翠劇院」及「翡翠福星」便可以作為推敲對象。前者三戰泥地千二米無成績交出，今次一樣向這個盲門路程進軍，話有信心贏唔講得，但博三重彩及連贏位腳仍有機會，當然，這次出擊主力必然是「翡翠福星」，跑回其拿手泥地一哩，前仗未獲公平出閘得第三名，潘頓騎得非常努力，所以損耗多少元氣，以致再出一仗得過近字，只獲一席輸給頭馬「南莊瑞寶」兩個半身位的第五名，始終要負一三三磅出戰，未能接連兩仗交出最佳水準可以理解，如今稍作小休再來，正常發揮，這駒應可順利交出頭馬，文家良也好向幕後交代。