第六場、第四班、一○○○米。「星運」系馬主游紹賢過往喺香港買拍賣馬嘅成績算唔錯，好似十捷兼贏過香港一哩錦標嘅「星運爵士」，又有八捷嘅「星運俊爵」，今場「駿爵士」亦係佢有份團體嘅拍賣馬，身價五百五十萬元不便宜，當然有留意價值。雖然呢匹四歲馬出道五戰未有嘢睇，但近期賠率所見已有異動，似乎開始受到重視，游生一直係方氏忠實擁躉橫跨兩代，所以馬房為佢練馬必盡心盡力，話唔定今鋪就變身。
第七場、第二班、一八○○米。「勇猛神駒」來港前連贏三場一級賽，包括二千四百米的巴西打吡大賽，中長途實力確實雄厚，前景方面更勝同主兼廄侶「協霸神駒」，具級際賽爭勝的實力；「勇猛神駒」早前出戰一班賽都跑得第二名以頸位僅負，如今渡江上陣跑二班賽形勢上已覺反客為主，交出水準有力取季內第二場頭馬。
第九場、第三班、一二○○米。「勝利威龍」在外地已屬目前馬主名下，於愛爾蘭只勝出拍賣馬賽，但其後挑戰二級賽及表列賽均跑入前四名；上季來港一出田草千二米得第二名，不敵「日日精彩」而壓倒「牛角仔」與「紅運大師」，屬高水準賽績，質素必有，只是礙於左前蹄有傷影響了進度，今季遲至三月初復出，經三場實戰熱身開氣後狀態不斷提升，上場轉來谷草千二米跑第三已試準場地性能，汲取經驗再來大可及鋒而試。