■盧頌恩和李尚正齊玩刺激機動遊戲。香港文匯報訊 休館多月的海洋公園日前終於重開，藝人李尚正、鄺芷凡、盧頌恩和植詠珊急不及待約埋入園玩個痛快，唔玩唔知真性情，原來最玩得的係外表柔弱的鄺芷凡！
鄺芷凡和李尚正、盧頌恩分別玩機動遊戲「翻天覆地」和「雷霆節拍」，鄺芷凡玩完又玩完全面不改容，她得戚地對住感覺有點作嘔的李尚正笑道：「後生，就係咁㗎啦！阿正，乜你想嘔咩？」李尚正苦笑說：「可能我早餐食得太飽！」
至於植詠珊就最唔玩得，她解釋說：「我好易頭暈，以前做咗半年空姐就劈炮，都係因為易暈之嘛！嗰個『翻天覆地』，我企喺度睇住坅Y咁轉已經頭暈啦，要我坐上去真係咪搞！」
玩完機動遊戲，一行4人還參觀北極館欣賞斑海豹，原來斑海豹個個都有名字，懂得聽飼養員叫名，無厘正經的李尚正即時向斑海豹大叫盧頌恩的暱稱：「妹頭！」令盧頌恩為之氣結。