【資料速遞】爸巴閉開竅繼續贏

2020-06-19

臨近煞科，目前馬圈焦點幾乎全落在冠軍騎練爭奪戰中，另一邊廂，正力爭上岸嘅何良隨時在受忽視情況下出擊。何良上季勝出三十一場頭馬，的確難以估計今季會倒退得咁犀利，現時何良差兩場至達標，馬季尚餘八次賽事，照計要贏兩場唔難。何良今次賽事有六駒列陣，當中近績最佳係三班千四米第一組「爸巴閉」，剛於上場打開勝利之門，今場雖回升三班，但馬房求勝心切，應會繼續進取。另外報爭第三班千二米第一組「金鷹翱翔」亦已開始上力，前仗排五檔放入第二名，上場排外檔焗留後冇計，今仗捲土重來屆時亦要多加留意。