■ 高鈞賢和李彩華前晚為無綫節目《流行經典50年》錄影。香港文匯報訊（記者 梁靜儀）高鈞賢、李彩華、王君馨、蔣麗萍及陳友等，前晚到電視城為薛家燕、鄭俊弘及譚嘉儀等主持的節目《流行經典50年》錄影。
久未露面的首屆「香港先生」冠軍高鈞賢，自2014年離巢後，相隔6年再踏足娘家幾乎迷路，都好開心見返好多舊同事及幕後人員。他指都算是首次上TVB綜藝節目，當晚選唱張國榮的《共同渡過》，揀這歌是有意思的：「首歌係講經歷好多，畢竟我係TVB成長，嗰時得廿歲，白紙一張學咗好多嘢，都16年，轉一個圈又返嚟，都幾開心。」
高鈞賢近年轉戰內地，最近跟羅嘉良及李彩華合作的內地劇播出後反應很好，自己還獲得「潛力演員」獎，因而被幕後工作人員邀請上節目唱歌。問到無綫可有邀請回巢拍劇？他說：「之前有傾過，隨緣啦，都想見返香港觀眾。」之前一直在北京的他，表示此行回港是因這個月有4位親友生日，加上因疫情關係很多工作都延遲，但有不少工作在洽談中，開工要看疫情進展。
說到他當年離開無綫是因有感不被重用，問到現在是否怨氣全消？他說：「後生時因為未出外見過世面，好多嘢唔識處理，做過啲啱或錯嘅嘢，喺TVB學咗好多嘢，今次返嚟係開心，完全一啲怨氣都冇。」
李彩華冀舉行型格婚宴
李彩華表示當晚會唱快歌《強》，事前並要排舞，最後一Take過完成，但想效果再好些，所以唱多次。穿上短褲演出的李彩華，笑指最頭痛是昨日野餐時美腿被蚊咬，要靠化妝遮蓋被蚊叮的地方。
因疫情關係，李彩華指原定的廣告、商演及直播等內地工作都要延期，現正等待內地通關才復工：「如果等到7月仲未通關，唯有上去先接受隔離。（跟老公有見面？）老公喺深圳發展事業，已3個月沒見面，靠視像電話聯繫，希望快些可見面。」
不單工作受影響，李彩華的婚宴亦因疫情一直延期，她笑說：「出年已經結婚兩周年，但係都想擺酒，唔係同屋企交代，係同自己交代，到時內地和香港兩邊都會擺。（同滿月一齊擺酒？）我老公都想，但我唔會畀佢得逞，我唔可以大住個肚擺酒，分開兩次擺酒好玩啲，（擺酒前都要小心？）我哋三個月冇見，點有BB？」她謂不用舉行童話式婚禮，因拍戲已經常着婚紗，希望可以型格些。