第八場､第二班､一八○○米（草地）。由城中名人許晋亨夫婦擁有的「玖寶」，季內進軍四歲馬系列，可惜表現未盡人意，最叻喺打吡跑得第四；之後於五月初競逐皇太后盃後上入Q，上賽縮爭千八全程跟跑，今趟落到二班易配郭能上去，相信幕後熱切期待可以變出彩虹。
第九場､第三班､一六○○米（草地）。「開懷大少」大前仗跑田草一哩，臨場乃十九倍冷門，結果留前鬥後只負「翠湖飛鷹」半馬位得第三，與「精彩有你」一齊壓線；上回縮爭千四，改用榮仔沿途居中競跑，末段力戰只跑第六，今日復爭三班一哩用黃俊，只要配合形勢場地利後追，當有力冷門闖關。
第十場､第三班､一○○○米（草地）。「凱旋來」今季只得一勝，贏馬一役在谷草千二壓倒「紅星」贏馬，到季中列陣二班直路賽，能與「遨遊戰士」串Q，當時馬兒評八十五分，但係經過下半季寓賽於操，目下減至七十四分再爭此程，又抽埋有利十四檔起步集有利條件於一身，冷膽在此。