■陳涵林留在內地拍攝MV。香港文匯報訊 19歲美籍華裔女新人陳涵林（Karen），繼去年推出兩首單曲《風給的約定》及《當我變成了我們》後，最近再完成第三首個人單曲《餘熱》，定居美國候斯頓的Karen本來計劃在美國拍攝《餘熱》MV，但因疫情關係，一直滯留在內地，未能飛返美國，所以乾脆留在內地繼續工作及拍攝MV。
《餘熱》講述戀人分手後傷心及沉重的心情，痛心遺憾的背後，透過歌曲安撫所有在戀愛中受過傷的情侶，記憶儘管殘留餘熱，大家哭過之後明天又是新一天。
Karen雖然年紀輕輕只得19歲，但在MV中演繹戀人分開後的遺憾與不捨，發揮得淋漓盡致，再加上Karen大氣沉穩，富有磁性的聲線，完全演繹出戀人分手的傷感，甚至拍攝MV時，有現場工作人員被Karen的歌聲及演技感染到流出眼淚，變成催淚MV。
是否因為有豐富分手經驗，所以特別投入？Karen笑說：「其實我真係冇乜拍拖經驗，可能聽得多啩，好多同學、朋友失戀，都會搵我傾訴，可能將佢哋經驗投入咗及幻想入去，哈哈，真係完全估唔到我啲演技及歌會搞到人哭，搞到催淚。」
問19歲的她又如何看失戀呢，她說：「我真係冇乜經驗，不過我好認同其中一句歌詞『開心一點、自私一點、未嘗不可，唏噓和痛哭之後，明天又是嶄新的一天。』，可能我性格比較樂觀，大哭完之後，轉頭就會冇事，我始終覺得時間可以治療傷痛。」