■Bosco（左）透露劇中與陳瀅不單有咀戲更加有床戲，三哥笑言不知自己有沒有親熱戲。香港文匯報訊 （記者 梁靜儀）苗僑偉（三哥）、黃宗澤（Bosco）、吳卓羲、張兆輝、郭晉安、馬德鐘、蕭正楠、蔡思貝、陳瀅、姚子羚、朱晨麗及陳敏之等，昨日到觀塘出席邵氏網劇《飛虎之壯志英雄》拜神儀式，無綫新任主席許濤與無綫助理總經理、邵氏電影執行董事及總經理樂易玲亦有到場。三哥冀《飛虎》系列長拍長有，又笑說：「啲靚女、咀戲畀晒Bosco。」彷彿有點酸葡萄。
三哥與Bosco再次合作拍攝《飛虎》系列，三哥笑謂將會開拍第四、五、六集，長拍長有，Bosco就笑說：「好似《愛．回家》咁拍落去，睇三哥頭，三哥話開就開啦。」三哥透露今集將會有較多動作戲，希望觀眾睇得開心。Bosco透露第一集已經要由頭打到尾，比之前兩次更辛苦。問到他們在酷熱天氣下可應付得來？三哥說：「天氣問題，一定會更辛苦，（可怕會中暑？）冇得驚，話來就來，惟有飲多啲水，小心啲，反而呢排啲膝頭酸痛突然好返，冇痛，生理上有啲變化，可能係迴光返照。」
Bosco透露劇中與陳瀅不單有咀戲更加有床戲，三哥笑說：「啲靚女、咀戲畀晒佢啦，我就唔知有冇。」說到Bosco與吳卓羲之前曾提議由無綫高層樂易玲與三哥拍感情戲，三哥聞言即很大反應笑說：「咁大件事，要佢粉墨登場，唔使喇，佢咁忙，邊有期，（嫌棄樂小姐？）唔係嫌棄，怕佢辛苦啫。」三哥更提議樂小姐可演Bosco媽咪，Bosco聞言亦不抗拒，更自爆在樂小姐生日會上吻過對方：「係Birthday Kiss。」
蔡思貝減肥 要搵返條腰
一身飛虎造型的蔡思貝，表示劇中飾演飛虎隊成員，更會有動作戲，但她首要是操弗，她笑說：「開劇之前首先我要搵返條腰，因之前拍攝《踩過界2》個造型不修邊幅，所以身形肥咗少少，𠵱家要keep返。」她又自爆劇中會跟吳卓羲有接吻戲。
劇中飾演O記Madam的陳瀅，笑言要搵返對腳，因為在劇中都有性感演出，與黃宗澤會有親熱戲，不過都會有動作戲，主要以開槍為主，因此近日正努力練槍，她說：「其實最主要係我唔夠力開槍，要練手指力，阿Sir都教咗我幾個動作，𠵱家就要好好努力練習。」
張兆輝新劇全國點擊第一
張兆輝（輝哥）今次在劇中飾演飛虎頭目，當中不乏動作戲及開槍場面，而他平日都有操練體能，在戶外拍攝時也較易應付。他續稱上一集《飛虎》因要拍攝劇集《黃金有罪》而未能參與拍攝，而今集他的角色跟第一集會有很大反差，之前的角色好嚴謹，今次就好順得人。談到他因疫情關係未能返內地宣傳劇集《錦繡南歌》，問到可要賠錢？他說：「活動如果是因疫情問題係唔使賠錢，雖然唔可以返內地宣傳，但都好開心劇集全國點擊第一，（因疫情影響工作有否令收入減少？）冇人想過會有疫情，好多活動都要停止或改期，最緊要係身體健康。」
新加入拍攝《飛虎》系列的郭晉安，在劇中飾演微生物學家，專門研究細菌，故事更全因他而起，他說：「我都係第一次同輝哥合作，輝哥係我學習對象。」從演多年，他表示從未演過飛虎，以往只曾扮演過警察、CID或海關，問到可想演飛虎隊員？他笑說：「如果話恨做，第四集就會搵我，或者做訓練飛虎嗰個，叫人跑自己唔使跑。」 他又表示趁着拍攝未算緊張，今個月放暑假都可以帶子女參加屋苑舉行的一些暑假訓練班。