■由於導演要求拍出唯美的畫面，Kenny要節食。香港文匯報訊（記者 李思穎）關智斌（Kenny）新歌《乾爹》MV已於前晚上架，Kenny在MV中要挑戰一個長達2分20秒鏡頭，為了達到理想效果，事前特地邀請白只教授做戲，Kenny在家練了好幾天，笑言喊到成屋都紙巾！
Kenny在今次的MV中，給了自己小小挑戰，其中一個大挑戰是他需要拍攝一個2分20秒、一Take過的長鏡頭中展現內心情緒，為此Kenny特別找來好友幫手，「我邀請白只同我上咗幾堂acting class，佢畀咗好多意見我，我好多謝白只呢位朋友，因為有時佢比我更了解我自己，點樣要我抽絲剝繭去搵我個情緒出嚟。同埋我真係為咗呢個shot，喺屋企練咗幾晚戲，喊到成屋都係紙巾，哈哈。」
除此之外，另一個是節食挑戰，導演要求拍出唯美的畫面，Kenny笑說：「就係要我唔好着，所以呢幾日除咗要練戲，更要做運動、節食，希望可以配合到導演要求。」