■鍾嘉欣相隔6年重返無綫拍劇。香港文匯報訊（記者 梁靜儀、達里）鍾嘉欣相隔6年重返娘家無綫演出新劇《兒科醫院》，近日嘉欣接受無綫娛樂新聞台訪問時自爆曾在片場爆喊，原因是她原本安排子女由溫哥華來港團聚，惜因疫情未能成行，超掛念子女的嘉欣坦言因此情緒低落。
嘉欣表示對上一次拍劇是拍《再創世紀》，但只客串了十日，而今次則是主演，問到有什麼吸引她回來拍劇？她說：「因呢齣劇係講兒童醫院，我自己又做咗媽媽；其次係一直以來我好想同鄭嘉穎、馬國明合作，曾經喺一啲訪問中有講過，點知今次兩個都有份。我覺得呢個劇本有個使命，希望可以帶到一個正面信息出去。」
由於要留港一段時間，嘉欣原本安排一對仔女這個月來港，但因疫情關係而打消念頭，與仔女分隔兩地的嘉欣更因此而情緒低落，更自爆試過在片場爆喊嚇親對手：「有日我同大家圍讀，因為我突然間要開工，而我平日有個特定時間去facetime，嗰日冇得facetime，心情有少少失落，周家怡同馬國明就問我，我自己攞啲仔女相出來畀佢哋睇，突然間我喊，對面啲新人、未合作過啲演員都好愕然，我就叫大家唔好話畀其他人知，其實我久不久就會有呢種失落情況出現，因為現在疫症好多嘢都估計唔到，原先仔女飛過來同我一齊，但現在真的要分隔四個月。（辛苦老公去照顧？）真係，雖然我哋請咗個人幫手，亦有好多家人幫手，始終無媽媽喺大廳係另外一回事，所以真係辛苦老公。」
最近榮升爸爸的羅仲謙自言做了爸爸後更有耐性，會專心聆聽小朋友說話。他又自爆因疫情與太太楊怡分房瞓：「因為自己接觸多人，要保護BB同太太，喺屋企都應戴口罩。」
「索女」馬明跳舞片流出
同劇的鄭嘉穎與馬國明繼《鐵馬尋橋》相隔近十年再度合作，馬明表示劇中很多對手都是多年前曾合作過的。說到劇中的鍾嘉欣、鄭嘉穎及羅仲謙都已為人父母，馬明被問到何時組織家庭時，他就笑說：「隨緣啦。」作為好友的嘉穎就搭住馬明膊頭苦口婆心勸他：「唔係㗎，真係有仔趁嫩生，到時你就明我哋講咩。」近日都忙於開工的嘉穎表示細仔剛好在這段時間出世，這段時間是最難捱的，但也沒辦法都要捱過。
另外，馬國明自與湯洛雯拍拖後不時高調晒愛，更由以往社交平台絕跡者變成常客，繼日前馬國明潮玩變臉app扮成球王美斯，女友湯洛雯又公開他男變女大跳熱舞的片段，反問網友有沒有違和感。
馬國明變臉球王美斯獲網友大讚，女友湯洛雯忍不住留言可否上載另一個版本，認為大家也想看到，最終以投票作決定。昨日湯洛雯在限時動態中上載男友化身金髮美女唱歌跳舞片，並留言：「I'm sorry，too many votes。」再設立投票詢問網友有沒有違和感。