香港文匯報訊 （記者 李思穎）《2020香港小姐競選》將於本周日晚舉行決賽，大會昨日舉行記者會，安排十二位佳麗以泳裝亮相，並選出十強佳麗，結果羅雪妍及源菲然齊齊被淘汰出局。
熱門之一的6號廖慧儀（Jessica），參選初期被發現左邊腹部位置有紋身，昨日穿上泳衣出場時，紋身用了遮瑕膏遮蓋，問到是否大會安排？Jessica說：「係大會安排，（擔心決賽當晚紋身位置有印？ ）可能今次隻色淺色咗有啲明顯，決賽當晚應該會遮得好啲，（可會擔心對參選有影響？ ）我覺得唔會有影響，紋身呢啲係好私人，而香港小姐係睇內在美同外在美，唔會重視有冇紋身或者身上有冇疤痕。」
2號陳楨怡和海外佳麗8號謝嘉怡穿上泳衣亮相身材明顯較突出，陳楨怡更獲多位佳麗稱讚其身材，她謙稱：「個個身材都好，有線條美，各有各好，最重要係笑容發自內心， （被眾人睇好有壓力？）冇壓力，參選以來都係平常心面對，身材唔代表一切，我比較鍾意廖慧儀條腰同腹肌。」
謝嘉怡承認晉身決賽有少許緊張，但每次踏出舞台感覺就會好些，目前正積極練習廣東話。積極減肥的她透露已減去6kg。
4號郭柏妍和7號麥詩晴的身材在佳麗當中稍欠睇頭。郭柏妍表示穿泳衣有點緊張，但不認為身材輸蝕：「唔同人有唔同體態美，我自覺身材勻稱，健康最緊要。」而麥詩晴自言第一次公開着泳衣，問她可覺得太瘦？她笑說：「我比較喜歡有腹肌，決賽夜環節會展現個人魅力。」
十強止步的羅雪妍及源菲然，未有表現得太失落。羅雪妍表示覺各佳麗各方面都表現出色，自己輸在進步幅度不及其他佳麗大。
源菲然亦稱能入到十二強已好勁，所以不是太傷心，她又稱自己剛畢業，說話方面不是非常好。問到二人可有興趣入行？羅雪妍直言有興趣入行發展，並自薦做主持。源菲然則表示想嘗試拍劇。