■周潤發(右)與李家鼎(中)、譚玉瑛自拍。香港文匯報訊（記者 梁靜儀）李家鼎（鼎爺）與譚玉瑛（阿譚）近日忙於為新一輯《阿爺廚房》四出拍攝，日前拍外景更巧遇周潤發（發哥）。
鼎爺與阿譚主持的《阿爺廚房》自播出以來大受歡迎，節目一再添食，近日二人又再忙於拍攝新一輯節目，日前拍外景時更巧遇發哥，鼎爺笑說：「佢（發哥）好尊重老人家，我打開門唞吓氣，佢一見到我即刻走過嚟，講幾句圍頭話，又粗口又有普通話嘅，我冇所謂啦，佢仲叫阿譚嗱嗱聲攞個手機出嚟自拍，佢真係好尊重我嘅。」
除了忙拍攝節目外，鼎爺還要打理食店生意，在新冠肺炎疫情影響下，近大半年生意亦受影響，鼎爺亦大叫「頭痕」：「遇着疫情真係都好陰公，多謝上天，仲可撐落去，多謝客人嚟捧場，兩個又嚟捧場、四個又嚟捧場，十幾個咪拆開幾張枱，大家開心啫。」 阿譚表示都有去鼎爺的食店捧場，經常有機會試鼎爺手藝的她，被問到可有試過煮給鼎爺食，鼎爺笑說：「難也。」阿譚解釋鼎爺不吃太肥膩的食物：「我煎鵝肝佢唔食。」鼎爺就指阿譚明知他不吃芝士，卻去整芝士蛋糕。
中秋節將至，鼎爺表示未必可以跟家人慶祝，如果有時間都想見孫仔。阿譚爆鼎爺有空便坐低用手機睇孫仔玩的短片。鼎爺開口表示如果有孫女就更好，對於疫情下全家人少了相聚時間，他也感到極可惜，但也沒辦法。阿譚稱全世界都要面對，但因大家謹守隔離，希望疫情盡快離去，大家可以重過正常日子。