有人幫何良計過數，佢今年六十歲，尚有五年練馬生涯，若要光榮退休，目前要努力奮戰。上季佢跑到最後一天憑獎金剛好上到岸。今季環境無乜改善，手上兵力暫只得三十駒，要贏十六場頭馬確實有難度，幸好有一批中下班次馬，由於上季有乜拚搏過，有利作為爭分籌碼。今次跑田草千四米的「星夢帝國」，有機會成為馬房開糊馬。「星夢帝國」上季只出賽四次，即使馬房要護級，倉主亦不心急加以狂谷，首季順其自然跑了四場，但每次起步總是略為遲緩，要逐段加速追趕，雖未有入三甲紀錄，但常走得接近，如上季尾二的一仗跑田草千二米，由楊明綸跑得第八名，只是輸給頭馬「心頭好」三個身位，到了去季尾最後一仗，嘗試增程跑千四米，又是得第八名，輸給頭馬「線路勇駒」四個身位，後駒今季一出即在三班千四米取得跨季連捷，足證這賽的水準甚高。踏入今季，冇被揠苗助長的「星夢帝國」，先在一課田草千六米大閘鋒芒初露，全程與「行樂之光」快開，結果輕鬆贏出這組大閘，接着馬房安排牠跑千四米作為季內首戰，這駒的閘前反應比起上季任何一仗均有進步，出閘是貼欄第一匹彈出，但鞍上人沒有刻意搶領，沿途守第三位，入直路留衝結果才不敵「前進」，後者話晒有贏馬經驗，且末段爆一程，始終是有經驗過「星夢帝國」，「星夢帝國」雖然未能成功替何良開齋，但吸取經驗後今仗再跑千四米，應是馬房開糊的時候。